ചിന്തിക്കിലപാരം മര്‍ത്യവാഴ്ച്ചയീ-
മന്നില്‍പ്പിടയുംഹൃദയത്താല്‍ തേടുന്നു പുതുമയെ
മറക്കുകയാണോ പഴമെയെയിക്കൂട്ടര്‍ തള്ളി-
പ്പറയുന്നവര്‍ പെറ്റമ്മയെ പോലും......
ഇതാണ് ലോകമെന്നു ചിലരിതല്ല ലോകമെന്നു പലരെ-
രെങ്കിലെന്തന്നറിയാനുഴലുന്നവര്‍ നാലു പാടും
തേടുന്നു പുതുമയെ
"മടങ്ങുക.....മടങ്ങുക നീ ഈ മണ്ണിന്റെ
മടിയിലേക്ക്‌ ഉറ്റു നോക്കുക"
സര്‍വതുമേകിയോരമ്മ...ആ അമ്മ തന്‍
വിറയാര്‍ന്ന ഗദ്ഗതം ആരറിന്ജീടുന്നു?
ശാസ്ത്ര പരീക്ഷണങ്ങളും, നവീകരണങ്ങളും-
മര്ദമേല്പ്പിച്ചവളുടെ മാറില്‍ മുറിവുകള്‍ തീര്‍ത്തു.
സ്വന്തമായ് തന്നുടെ ശവക്കുഴി തോണ്ടുന്ന-
നന്ദിയില്ലാ പരിഷകള്‍ നാലുപാടും.
" മടങ്ങുക.....മടങ്ങുക നീയീ-
മണ്ണിന്റെ മടിയിലേക്ക്‌ ഉറ്റു നോക്കുക....."
ആറ്റു നോറ്റു പോറ്റിയ കുഞ്ഞിന്‍റെ ദുര്‍വിധി കണ്ടാ- ര്‍ത്തലച്ചു കരയുന്നമ്മയാം ധര.
ശോകം തുള്ളി തുളുമ്പുന്ന ക്ഷോണി-
തന്‍ ഉള്ത്തരിന്‍ നോവുകളാരറിവൂ -
സര്‍വതും നിനക്കെകി ഞാന്‍ നീയതിനെ-
സര്‍വ നാശം ചെയ്തു വലിച്ചെറിഞ്ഞു നാല് പാടും
വേണ്ടവരതിനെയെടുത്തു പരിപാലിച്ചവരാനി-
ന്നുത്തമര്‍ നീ അധമനായ് തീര്‍ന്നു.
"മടങ്ങുക...മടങ്ങുക....നീയീ-
മണ്ണിന്റെ മടിയിലേക്ക്‌ ഉറ്റു നോക്കുക
ഒരു നാള്‍ ക്രുദ്ധയായവള്‍ തന്‍ മക്കള്‍ തന്‍ ചെയ്തികളില്‍-
വിഷന്നയായ്‌
തള്ളി വിട്ട ഗര്‍ഭ പാത്രത്തിങ്കലേക്ക് തന്നവരെ പിടിച്ചിട്ടു.
ഇന്നും തുടരുന്നു മക്കള്‍ തന്‍ ദുര്‍വൃത്തി
ദുര്‍ വിധി തേടാനൊരുങ്ങിയ കോലങ്ങള്‍
വീണ്ടുമാ അമ്മ വിലപിച്ചു കൈകള്‍ ഉയര്‍ത്തുന്നു
വീണ്ടും ഒരു കൂട്ടം മക്കളെ പിടിക്കുവാന്‍ .....
"മടങ്ങുക...മടങ്ങുക...നീയീ-
മണ്ണിന്റെ മടിയിലേക്ക്‌ ഉറ്റു നോക്കുക "
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ